चलचित्र ‘तेल भिसा’को प्रदर्शन मिति हेरफेर

विशेष अनलाइन । वेलडन क्रियसनको व्यानरमा बनेको चलचित्र ‘तेल भिसा’को प्रदर्शन मिति हेरफेर
गरिएको छ । यसअघि भदौ २९ मा प्रदर्शन हुने भनिएको चलचित्र सरेर मङ्सिर ७ गते पुगेको छ। निर्माण युनिटले चलचित्रको एक पोस्टर सार्वजनिक गर्दै मङ्सिर ७ गते बाट प्रदर्शन गर्ने जनाएको हो ।

पोस्टरमा विपिन कार्कीलाई दोहोरो भूमिकामा प्रस्तुत गरिएको छ । उनको जवान र वृद्ध गरी दुई फरक अनुहार देख्न सकिन्छ । पोस्टरमा अभिनेत्री वर्षा राउत, ऋचा घिमिरे र पूजा लामा पनि देखिएका छन् ।

चलचित्रले पहिलो चरणको छायाङ्कन अमेरिकामा सकाएको थियो । अहिले दोस्रो चरणको छायाङ्कन चितवनमा थालेको छ । चलचित्रमा बुद्धि तामाङको पनि मुख्य भूमिका छ ।

शङ्कर घिमिरेको निर्देशन रहेको चलचित्रमा ऋचा घिमिरेको प्रस्तुति रहेको छ । चलचित्र ‘तेल भिसा’ अनिश पाण्डे र शिवराज कार्कीको लगानी बन्न लागेको हो । प्रिन्स युवराज कार्की र श्रुति दाहाल कार्यकारी निर्माता रहेको चलचित्रमा मा सुशन प्रजापतिको छायाङ्कन रहेको छ ।

रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको सङ्गीत रहेको छ। चलचित्रमा अजय खड्काको सम्पादन रहनेछ ।