तामाङ चलचित्र संघ कोशी प्रदेश शाखा विस्तार, अध्यक्षमा भिम लामा

विशेष अनलाइन । तामाङ चलचित्र संघको कोशी प्रदेश शाखाका पदाधीकारीहरुले पद तथा गोपनियताको सपथ ग्रहण गरेका छन् । गत फागुनमा चलचित्र निर्देशक तथा निर्माता भिम लामाको अध्यक्षतामा गठन भएको कोशी प्रदेश शाखालाई चार महिना पछी पूर्णता दिदै सम्पूर्ण पदाधीकारीहरुलाई सपथ ग्रहण गराइएको हो ।

शनिबार धरान ८ स्थित तामाङ घेदुङ संघको जिल्ला कार्यसमितीको सभाहलमा एक कार्यक्रम आयोजना गरी तामाङ चलचित्र संघका उपाध्यक्ष अमर लामाले पदाधीकारीहरुलाई सपथ ग्रहण गराएका हुन् ।

संघको कोशी प्रदेश शाखामा अध्यक्ष भिम लामा, प्रथम उपाध्यक्ष अनुप योन्जन, दोस्रो उपाध्यक्ष मोहन लोप्चन, महासचिब शान्ती पाख्रीन, कोषाध्यक्ष स्‍मृति तामाङ र सदस्यहरुमा बुद्दीमान तामाङ, रामजी तामाङ, मङ्गल सिंह तामाङ, मान सिंह तामाङ, र हस्त पाख्रीन रहेका छन भने बाकी सदस्य समितीको पहिलो बैठक बसेर मनोनयन गर्ने अध्यक्ष भिम लामाले जानकारी दिए ।

कार्यक्रममा बोल्दै तामाङ चलचित्र संघ केन्द्रिय कार्यवाहक अध्यक्ष दिपक लामाले तामाङ चलचित्रको बजार बिस्तार गर्न केन्द्रले ७ ओटै प्रदेशमा शाखा बिस्तार गर्ने योजना बनाएको उल्लेख गरे ।
उनले चलचित्र संस्कृति र संस्कारको सम्वाहक भएको उल्लेख गर्दै गहन अध्ययन अनुसन्धान गरेर मात्र चलचित्र निर्माणको थालनी गर्न आवस्यक रहेको उल्लेख गरे । पछिल्लो समय निर्माण भएका जातिय चलचित्रहरुले संस्कृतिको नाममा गलत प्रचारबाजी गर्ने गरेको लामाको भनाई थियो ।

नेपाल तामाङ घेदुङ प्रदेश १ अध्यक्ष, रेख बहादुर तामाङले भाषिक चलचित्र निर्माण गर्दा उक्त भाषाको राम्रो ज्ञान हुन जरुरी रहेको बताए । तामाङ् चलचित्रले देश बिदेशमा रहेका तामाङहरुलाई जोडने भएकाले, तामाङ्को संस्कृति संस्कार को बारेमा गहिरो अध्यन गर्न सुझाव दिए । उनले कुनै प्रान्तको तामाङको मात्र हैन बिश्वकै तामाङको प्रतिनिधित्व गर्ने गरी चलचित्र निर्माण गर्नुपर्ने बताए ।

नेपाल चलचित्रकर्मी महासंघ कोशी प्रदेशका अध्यक्ष अरुण कुमार प्रधानले नवगठित समितीलाई बधाई तथा शुभकामना दिदै तामाङ चलचित्र संघ अब देशैभरी सकृय हुन जरुरी रहेको बताए । उनले कुनैपनी जातिय र भाषाको चलचित्र निर्माण गर्दा कलाकर र निर्माण टिममा पनि भाषाको ज्ञान हुन जरुरी रहेको अनुभव सुनाउदै पछिल्लो समय अध्ययन बिना नै चलचित्र निर्माण हुने गरेको बताए ।

देशभरी नै चलचित्रका जातिय संघसंथा गठन हुनु स्वागतयोग्य भएको उल्लेख गर्दै यस प्रकारका संस्थाहरुमा सहकार्यको अवश्यक रहेको अध्यक्ष प्रधानको भनाई थियो ।

कार्यक्रमका सभापती तथा नवनिर्वाचित अध्यक्ष भिम लामाले तामाङ चलचित्रको बजार बिस्तार गर्नको लागी कोशी प्रदेशका सबै जिल्लामा शाखा बिस्तार गर्ने गरी गृहकार्यमा लाग्ने बताए । पछील्लो समय कोशी प्रदेशमा चलचित्र गतिविधी बड्दै गएको उल्लेख गर्दै अध्यक्ष लामाले कोशी प्रदेशमा छुट्टै छाप छोड्ने गरी काम गर्ने प्रतिवद्दत्ता व्यक्त गरेका छन् ।