विशेष अनलाइन । बिराज भट्ट फिल्म पोडक्सन प्रस्तुतिमा निर्माण भइरहेको चलचित्र ‘१२ गाउँ’ को पहिलो पोस्टर सर्वजानिक भएको छ । पोस्टरमा डेब्यु अभिनेता समीर भट्ट चलचित्रको महत्वपुर्ण भुमिकामा देखिएका छन् ।
चलचित्र ‘१२ गाउँ’ आगामी दसैँमा प्रदर्शनमा ल्याउने निर्माण टिमले बतएको छ । चलचित्र ‘१२ गाउँ’ को छायाङ्कन अन्तिम चरणमा रहेको छ ।चलचित्रमा समिरको अलवा अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले पनि डेव्यु गर्दैछन् । बिराज, समीर, न्यान्सी र सनिशाका अलवा मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुनजंग शाही, भीष्म जोशी, शुलेमान शङ्कर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय चलचित्रमा रहने छ ।
बिराज भट्ट निर्देशित चलचित्रमा अर्जुन पोखरेल र निरजको सङ्गीत, रामजी लामिछाने, सुनिल क्षेत्री र कविराज गहतराजको कोरियोग्राफी तथा प्रवीण केएल र भूपेन्द्र अधिकारीको सम्पादन रहनेछ ।
एक्सन– थ्रिलर कथामा बन्न लागेको चलचित्रका लागि विराजले भारतबाट द्वन्द्व निर्देशक ल्याएका छन् । तमिल तथा कन्नड चलचित्रमा द्वन्द्व निर्देशक भएर काम गरेका स्टन्ट सिल्भालाई द्वन्द्व निर्देशनमा शङ्कर महर्जनले सघाएका छन् । महेश पौडेलको छायाङ्कन रहेको चलचित्रको काठमाडौँ, ललितपुर, वीरगन्ज र हेटौँडामा पनि छायाङ्कन गरिनेछ ।
Discussion about this post