विशेष अनलाइन । अनिल बुढामगर निर्देशित चलचित्र ‘घरज्वाइँ’को नयाँ गीत ‘बिन्जुरी’ सार्वजनिक भएको छ ।यस गितमा राम अविरल बिस्टको शब्द एसडी योगीको सङ्गीत तथा स्वर रहेको छ ।
प्रेमिल शैलीको यो गीतमा दयाहाङको मिरुना प्रतिको प्रेम आकर्षणलाई महशुष गर्न सकिन्छ। गीतमा मिरुनालाई ‘बिन्जुरी’ (फूल) का रुपमा सम्बोधन गरिएको छ।
अनिल बुढामगरले निर्देशन गरेको चलचित्र असार २८ गते प्रदर्शनहुने भएको छ । जिएम मूभीज र एबीएम सिनेमा प्रोडक्सनको ब्यानरमा निर्माण भएको चलचित्रका निर्माता जनक घर्ती मगर हुन् । पूर्वी रुकुम आसपासमा छायांकन गरिएको चलचित्रको कथा पनि निर्देशक अनिल आफैले लेखेका हुन् । उनलाई पटकथा तथा संवाद लेखनमा भने विनोद खतिवडा र सुभाष कोइरालाले सघाएका छन् ।
चलचित्रमा दयाहाङ र मिरुनाको अलावा बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापा मगर, सोनाम लामा, बिबेश बुढा मगर, सुनिल मगरको अभिनय छ ।
एसडी योगी, राम अविरल विष्ट, हर्क साउदको गीत र मनोज थापाको सङ्गीत रहेको चलचित्रलाई एमएसएमले अस्ट्रेलियामा र आरआर फिल्मसले नेपालमा वितरण गर्दै छ ।
Discussion about this post