बिशेष अनलाइन । चलचित्र ‘१२ नेपाली एक चिहान’ आगामी भदौ १४ गतेबाट प्रदर्शनमा आउने भएको छ । वितरकसँगको छलफलबाट चलचित्र १४ भदौमा प्रदर्शनमा ल्याउन लागिएको निर्देशक अरुण प्रदानले जानकारी दिए ।
रोजगारीका लागि इराक पुगेका १२ नेपालीको विसं २०६१ साल भाद्र १६ गते इराकमा बर्बरतापूर्वक हत्या भएको थियो । तिनै १२ जना नेपालीहरूको विषयमा चलचित्र निर्माण गरिएको निर्देशक प्रधान बताउछन् ।चलचित्रको सेन्सर समेत भैसकेको छ ।
चलचित्रमा राजन खतिवडा, जतिन ताम्राकार, रवीन्द्र झा, विक्रम सिंह, उत्तम जङ्ग लिम्बु, राम भजन कामत, सुशील थापा मगर, घनश्याम मिश्र, निरञ्जन मेहता, सोनु जयन्ती, प्रजा प्रधान, मिलन श्रेष्ठ लगायत कलाकारको अभिनय रहेको छ । जय हुनुमान क्रियशनको ब्यानरमा निर्माण भएको चलचित्रमा निर्देशक प्रधान कै कथा रहेको छ । चलचित्रका निर्माता रबिन श्रेष्ठ, संगीता प्रधान, रबिन राई र भईसन बर्देवा हुन् ।
Discussion about this post