बिशेष अनलाइन । कमल एक्चै मगरको निर्देशनमा बनेको चलचित्र ‘शिरफूल’को ट्रेलर सार्वजनिक भएको छ । असार ७ गतेबाट प्रदर्शनमा आउने चलचित्रको ट्रेलरले पारिवरसँग छोरीको सम्बन्ध झल्काएको छ।
छोरी चेलीलाई नेपाली समाजमा शिरको फूलको रूपमा लिने चलन भएकोले चलचित्रमा छोरीलाई बिम्बको रूपमा बुझाउन खोजिएको निर्देशक मगरले बताए । अहिलेको बढ्दो युवा पुस्तामा देखिएको आधुनिकताको प्रभावसँगै सांस्कृतिक विकृतिलाई पनि चित्रण चलचित्रमा देख्न सकिने निर्देशक मगरको भनाई छ ।
चलचित्रमा रूपा राना, राज थापा, देवराज आले, विनिता थापा, सुनिल रोका, नमिता तामाङ, पुजा गदाल, लिला गुरूङ, नीता पुन, किरण मगर लगायतको अभिनय रहेको छ ।
चलचित्रमा राजु थापा, डिपी खनाल र कृष्ण केसीको शब्द, हरि लम्साल र देवराज आले मगरको संगीत, देवराज आले मगरको कथा, निरोज श्रेष्ठको छायांकन र मिलन श्रेष्ठको सम्पादन रहेको छ ।
आशीर्वाद पुन मगर र माया छन्त्याल पुनको लगानीमा बनेको चलचित्रमाको पटकथा संवाद राज थापा र राजु युगिनले लेखेका हुन् । चलचित्रमा अभिनेत्री मरिस्का पोखरेलको विशेष भूमिका छ । चलचित्रलाई आरआर फिल्मसले देशभर वितरण गर्दैछ ।
Discussion about this post