बिशेष अनलाइन । बुद्ध जयन्तीको अवसर पारेर १० गते बिहीबारदेखि एकसाथ प्रदर्शनमा आएका दुई चलाचित्र ‘फर्की फर्की’ र ‘पुजार सार्की’ दोस्रो हप्तामा प्रवेश गर्न सफल भएको छ । पहिलो हप्तामा सुखद ब्यापार गर्दै चलाचित्र बिहीबारबाट दोस्रो हप्तामा प्रवेश गरेको हो।
चलाचित्रको कलेक्सन कति रह्यो भनेर दुवै चलाचित्रका वितरकले सार्वजनिक गरेका छैनन् । ‘फर्की फर्की’ वितरक गोविन्द शाहीले चलाचित्रले राम्रो ब्यापार गरेको बताए पनि कति ब्यापार भयो भनेर अहिले खुलाउन चाहेनन् ।
यता ‘पूजार सार्की’ का वितरक रोहित कट्टेल पनि चलाचित्रको बक्स अफिस केही दिनमा मात्र सार्वजनिक गर्ने बताउँछन् । दुवै चलाचित्रले दोस्रो साता पनि राम्रो शो पाएको छ । ‘फर्की फर्की’ अनमोल केसी, जसिता गुरुङ, रवि काफ्ले, समृद्धि अर्याल लगायत कलाकारको मुख्य भूमिका रहेको चलाचित्र हो ।
सुयोग गुरूङकोे लेखन एवं निर्देशन रहेको चलाचित्र रोहित अधिकारी र ओमप्रकाश अग्रवालले निर्माण गरेका हुन् । ‘टाइम लुप’ कथामा बनेको चलाचित्रमा लभस्टोरी पनि छ ।
‘पूजार सार्की’ आर्यन सिग्देल, प्रदीप खड्का, पल शाह, अञ्जना बराइली, परीक्षा लिम्बू अभिनित चलाचित्र हो । दिनेश राउत निर्देशित चलाचित्र विकास सुवेदीले लेखेका हुन् भने सुवास भुसालले निर्माण गरेका हुन् । चलाचित्र जातीय विभेदविरुद्ध समाजका तीन पात्रले गर्ने सङ्घर्ष कथामा बनेको छ ।
Discussion about this post