विशेष अनलाइन । वहुप्रतिक्षित नेपाली चलचित्र “दिमाग खराब” आज शुक्रवारबाट अलनेपाल प्रदर्शनमा आएको छ । यसै चलचित्र मार्फत निर्देशक निश्चल बस्नेत ६ वर्षपछि पुनः निर्देशनमा फर्किएका छन् ।
आर्ट्स र ब्ल्याक हर्स पिक्चर्सको निर्माण रहेको सिनेमामा खगेन्द्र लामिछाने, दयाहाङ राई, स्वस्तिमा खड्का, अपर्ण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडा, रमा थपलिया, गौरभी आरएल सिंह, गीत अधिकारी, कृष्णभक्त महर्जन, धीरज भट्ट, राहुल सिवाकोटी, नविन खड्कालगायतको पनि अभिनय छ ।
आकाश बरालको लेखन र मनोज पण्डित स्क्रिप्ट डाक्टर रहेको सिनेमा राजनीतिक विषयमा केन्द्रित रहेर निर्माण भएको हो । सिनेमामा रौनक विक्रम कडेल निर्माता र सुरज बम ठकुरी कार्यकारी निर्माताको रुपमा रहेका छन् ।
काठमाडौमा गरिएको विशेष सो मा चलचित्र हेर्न राजनितिक, खेल तथा चलचित्र क्षेत्रका व्यक्तित्वहरुको उपस्थिति रहेको थियो । विशेष सो मा चलचित्रलाई उत्कृष्ट प्रतिक्रिया मिलेका कारण पनि चलचित्र निर्माण टिम उत्साहित देखिएको छ ।
चलचित्रमा सुशन प्रजापतिको छायांकन, निमेष श्रेष्ठको सम्पादन, जयन के बाइबा र बाबुल गिरीको संगीत, राजकुमार उप्रेतीको द्वन्द्व निर्देशन तथा रोहित शाक्यको ब्याकग्राउन्ड स्कोर छ ।
Discussion about this post