विशेष अनलाइन । सामाजिक सञ्जालले सकारात्मक समाज निर्माणमा योगदान पुर्याएको छ । सकारात्मक सँगै नकारात्मक सन्देश फैल्याउन पनि यही सामाजिक सञ्जालको अहम् भूमिका छ भन्दा फरक पर्दैन । पछिल्लो समय टिकटकका प्रयोगकर्ताको वृद्धिसँगै नेपाली चलचित्र नगरीमा फाइदा र बेफाइदा दुवै भएको देखिन्छ ।
पछिल्लो समय आफ्नो कुनै पनि सामाग्री प्रचारप्रसारका लागि टिकटक गतिलो माध्यम बनेको छ । अब त टिकटक नहुने भए प्रचारप्रसार नै नहुने सन्देश प्रवाह हुन थालेको छ । सामान्य मानिसका लागि कुनै पनि आफ्नो सामाग्री प्रचार गर्न देखि कलाकारका गीतसङ्गीत, चलचित्र प्रचारप्रसारमा टिकटकको प्रयोग देख्दा लाग्छ अब टिकटक नेपालीका लागि गाँस वास कपास जस्तै महत्त्वपूर्ण बन्न पुगेको छ ।
धेरैलाई सामान्य मानिसबाट सेलिब्रेटी बनाइदिएको छ टिकटकले । कतिपयको कमाउने भाँडो नै बनेको छ भन्दा फरक पर्दैन । कला प्रस्तुत गर्ने गतिलो माध्यम त बनेको छ नै त्यो सँगै सामान्य मानिसका लागि समय बिताउने एउटा गतिलो माध्यम बनेको छ ।
Discussion about this post