बिशेष अनलाइन । बिहान करिव ९ बजेको समयमा बिराटनगर बिमानस्थलमा एकाएक एउटा दृष्य देखियो । एकै पटक १० भन्दा धेरै ट्याम्पो लस्करै आएको देख्दा त्याहा उपस्थित सबै चकित बनेका थिए । करिव २० भन्दा माथि पत्रकारहरु समेत त्याहा देखिएका थिए । उक्त दृष्य देख्ने सबैले आफ्नै आफ्नै अड्कल बाजीहरु लगाइरहेका थिए । धेरैलाई लागेछ स्थानिय निकायको चुनावको प्रचार प्रसारका लागि कुनै एउटा राजनैतिक दलले यो फण्डा गरिरहेको छ । । यस्तै बिभिन्न अड्कलबाजी गर्दै गर्दा ट्याम्पोमा लगाएको चलचित्र ‘लक्का जवान’को ब्यानरले उनीहरुको खुल्दुली मेटाइरहेको थियो ।
एका एक त्यही समयमा चलचित्र ‘लक्का जवान’का निर्माता,निर्देशक तथा कलाकार शिवहरी पौडेल र चलचित्रका निर्माता तथा कलाकार किरण केसीको उपस्थितिले उनीहरुको मनको खुल्दुली मेटेको मात्र थिएन कलाकार द्धय पौडेल र केसीसँग तस्विर खिच्न दर्शकको तछाड मछाड नै भएको थियो । चलचित्र ‘लक्का जवान’को प्रमोसनका लागि केही फरक दृष्य त्याहा प्रस्तुत गरिएको थियो ।
तिनै लस्कर लागेका ट्याम्पोहरु मध्य एकमा निर्देशक तथा कलाकार शिवहरी पौडेल र एकमा निर्माता तथा कलाकार किरण केसी बसे पछि ट्याम्पो र्याली गर्दै इटहरी तर्फ मोडिएको थियो । चलचित्र ‘लक्का जवान’मा समावेश गित बजाउदै लस्करै देखिएका ट्याम्पो तिर एक पटक सबैले नजर लगाउन बध्य भएका थिए ।
चलचित्र प्रचार प्रसारमा देखिएको फरक शैलिले सबैको ध्यान केन्द्रित गर्न सफल भएको थियो । बिराटनगरबाट र्याली गर्दै निस्किएको ट्याम्पोले इटहरी परिक्रमा गरेको थियो । चलचित्रको व्यानर सहित गित बज्दै अघि बढेको ट्याम्पो र्याली इटहरीको पुर्वाञ्चल इन्स्टिच्युट अफ फिल्म एण्ड टेलिभिजनको प्रांगणमा पुगेर सम्पन्न भएको थियो । ट्याम्पो र्याली पश्चात आयोजित पत्रकार सम्मेलनलाई सम्बोधन गर्दै निर्देशक तथा कलाकार शिवहरी पौडेलले चलचित्र ‘लक्का जवान’मा नेपाली परिवेशमा नेपाली कथा प्रस्तुत गरिएको बताए । उनले चलचित्र निर्माण भएको लामो समय भएको भए पनि चलचित्रले प्रस्तुत गरेको बिषयबस्तु समय सापेक्षित रहेको बताए । उनले ‘लक्का जवान’१० बर्ष पछि रिलिज गरे पनि चलचित्रमा समावेश विषयवस्तु बासी नहुने जिकिर गरे ।
चलचित्रका निर्माता तथा कलाकार किरण केसीले चलचित्र ‘लक्का जवान’मा यस भन्दा अघि निर्माण गरेका सफल चलचित्रहरुको अनुभवलाई सँगालेर प्रस्तुत गरेको बताए । इटहरीको पत्रकार सम्मेलन पश्चात धरान तथा झापाको दमकमा पनि पत्राकार सम्मेलनको आयोजना गरिएको थियो । धरानको ह्वाइट हाउस होटल म्यानेजमेन्ट स्कुलमा र झापाको पाथिभरा चलचित्र हलको कक्षमा कार्यक्रमको आयोजना गरिएको थियो ।
धरानको ह्वाइटहाउसमा गरिएको कार्यक्रमलाई सम्बोधन गर्दै चलचित्रकर्मी महासंघ प्रदेश १ का अध्यक्ष अरुण प्रधानले नेपालमा बिदेशी चलचित्र हाबी हुदै गएको उल्लेख गर्दै बिदेशी चलचित्रको प्रतिस्थापन गर्दै नेपाली चलचित्र पदर्शन गर्ने वातावरण सृजना हुन आवस्यक रहेको उल्लेख गरे । पहिले नेपालमा नेपाली चलचित्र प्रदर्शनमा प्राथमिकता दिनुपर्ने र त्यसो नगरे चलचित्र हलमा तालाबन्धी गरेर भए पनि बिरोध गर्नु पर्ने प्रधानको भनाई थियो । यता पाथिभारा चलचित्र हलका सञ्चालक समेत रहेका वितरक चैतन्य बरालले आफु सधै नेपाली चलचित्रको पक्षमा रहेको उल्लेख गर्दै सबै हल सञ्चालकलाई एउटै दाजोमा राख्न नमिल्ने उल्लेख गरे ।
घरानबाट फर्किने क्रममा कलाकार द्धय पौडेल र केसी इटहरीमा रहेको माया घर नेपालमा उपस्थित भएका थिए । माया घर नेपालका लागि चलचित्रका तर्फबाट निर्देशक पौडेलले नगद रु १० हजार रुपैँया सहयोग हस्तान्तरण गरेका थिए । बैशाख २३ देखि देशभर प्रदर्शन हुन लागेको चलचित्र ‘लक्का जवान’ मा सरोज खनाल, प्रियङ्का कार्की, दिलीप रायमाझी, सलोन बस्नेत, वर्षा शिवाकोटी, किरण केसी, राजाराम पौडेल, सुशील पोखरेल, सुरेन्द्र केसी, जयनन्द लामालगायतको अभिनय छ ।
Discussion about this post