‘डोरी’का निर्देशक अरुण लामाको नयाँ चलचित्र ‘तथास्तु’ घोषणा,

विशेष अनलाइन । चलचित्र ‘डोरी का निर्देशक अरुण लामाले आफ्नो नयाँ चलचित्र ‘तथास्तु’ घोषणा गरेका छन्। उनले एक पोस्टर सार्वजनिक गर्दै चलचित्र निर्माणको घोषणा गरेका हुन्। चलचित्रले आध्यात्मिक यात्रा, अन्तर्द्वन्द्व र सामाजिक यथार्थबीच भगवान् र मानिसहरूको लोकबिचको कथा समेट्ने लामाले बताए ।

निर्देशक लामाका अनुसार, ‘तथास्तु’ नेपाली र हिन्दी दुवै भाषामा निर्माण गरिनेछ, जसमा नयाँ पुस्ताका चर्चित नेपाली कलाकारहरूको मुख्य भूमिका रहनेछ। उनले चलचित्रमा भारतीय कलाकारहरूको पनि अभिनय रहने जानकारी दिएका छन्।

चलचित्रको छायाङ्कन नेपाल र भारतमा गरिनेछ। चलचित्रको छायाङ्कन दुई चरणमा गरिने छ । चलचित्र २०८३ को सुरुवातमा प्रदर्शन गर्ने तयारी गरिएको निर्देशक लामाले बताएका छन्।चलचित्र एजी। सेभेन प्रोडक्सनको ब्यानरमा बन्ने भएको छ ।