विशेष अनलिइन । शुक्रबारदेखि प्रदर्शनमा आएको चलचित्र ‘सानो संसार’को प्रदर्शन स्थगित गरिएको छ । चलचित्र ‘सानो संसार’का निर्माताले आइतबारदेखि प्रदर्शन स्थगित गर्ने निर्णय गरेका हुन् ।
शनिबार निर्माता अर्जुन कुमार र माधव वाग्लेद्वारा जारी विज्ञप्तिमा मानिसको जनधनको सुरक्षालाई मध्यनजर गर्दै केही समयका लागि चलचित्रको प्रदर्शन रोकिएको जनाइएको छ ।
विज्ञप्तिमा भनिएको छ ,‘हालको बाढी-पहिरो र प्राकृतिक विपत्तिको कारण जनमानसलाई आवतजावत गर्न कठीन भएको परिपेक्षमा सबैभन्दा पहिला आम मानिसको जनधनको सुरक्षालाई पहिलो प्राथमिकतामा राखेर हामीले हाललाई चलचित्र ‘सानो संसार’लाई केही समयको लागि प्रदर्शन स्थगित गरेका छौं । आगामी दिनमा सहज वातावरण भएपछि चलचित्र पुनः प्रदर्शनमा लिएर आउने वाचा गर्दछौं’ ।
निर्माताको निर्णय लगत्तै क्यूएफएक्स, आइएनआई लगायतका ठूला मल्टिप्लेक्स चेनले आइतबारको लागि शोज क्यान्सिल गरेका छन् ।
Discussion about this post