विशेष अनलाइन । बर्लिन फिल्म फेस्टिभलको मुख्य विधामा छनोट भएर इतिहास रच्न सफल नेपाली चलचित्र ‘साम्बाला’को ट्रेलर सार्वजनिक भएको छ ।
फेब्रुअरी २३ मा बर्लिनमा विश्व प्रिमियर हुनुअघि चलचित्रको ट्रेलर सार्वजनिक गरिएको हो । ट्रेलरमा चलचित्रका मुख्य कलाकार थिन्ले ल्हामो र सोनम तोप्देनलाई प्रस्तुत गरिएको छ।
चलचित्रले एक पुरुष र उनका दुई साना भाइसँग बहुआयामी वैवाहिक सम्बन्धमा रहेकी महिलाको कथा प्रस्तुत गरेको छ ।
सुनी फिल्म्सले निर्माण गरेको चलचित्रको अन्तर्राष्ट्रिय वितरण अधिकार बेल्जियमको कम्पनी बेस्ट फ्रेन्ड फरेभरले लिएको छ । अभिनेत्री थिन्लेका लागि ‘नाका’पछि र सोनमका लागि पनि ‘सम्हालिन्छ कहिले मन’पछिको दोस्रो चलचित्र हो । निर्देशक मीनबहादुर
भामले सन् २०२४ भित्रै नेपालमा रिलिज गर्ने बताएका छन् ।
निर्देशक भामको यस अघिको चलचित्र ‘कालोपोथी’ले पनि छुट्टै इतिहास कोर्न सफल भएको थियो ।
Discussion about this post