विशेष अनलाइन । सरोज पौडेलको लेखन तथा निर्देशनमा बनेको चलचित्र ‘पूर्ण बहादुरको सारङ्गी’को टिजर सार्वजनिक भएको छ । आइतबार बुवाको मुख हेर्ने दिनलाइ लक्षित गरि सम्पूर्ण बुवाहरूप्रति समर्पित रहेको चलचित्रको टिजर सेभेन सिज सिनेमाको अफिसियल युट्युब च्यानल मार्फत सार्वजानिक गरिएको हो । टिजरमा चलचित्रको मुख्य कलाकार विजय बराल र प्रकाश सपूत फिचर्ड रहेका छन् ।
चलचित्रको टिजरमा गरिबीका कारण बुवाले झेल्नु परेको अभाव, छोराले पाएको शैक्षिक सफलता र विछोडको पीडा समेटिएको छ । एक मिनेट ५० सेकेन्ड लामो टिजरले अभिभावकले आफ्नो सन्तानको प्रगति र खुसीका लागि गर्ने त्याग र संघर्ष तथा त्यसले दिने उपलब्धी समेटेको छ । सोसल–ड्रामा जनरा निर्माण भएको चलचित्रले गन्धर्व परिवारको कथामा आधारित रहेको छ ।
कात्तिक १५ गते बाट प्रदर्शनमा आउन लागेको चलचित्रमा विजय र प्रकाशसँगै मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिास बास्तोला, श्याम केसी, जानवी पौडेल लगायत कलाकारहरुको अभिनय रहेको छ ।
सेभेन सिस सिनेमा र बासुरी फिल्मसको प्रस्तुति रहेको चलचित्रको विनोद पौडेल र प्रतीक सुवेदी निर्माता हुन् । चलचित्रको पटकथा तथा संवाद महेश दवाडीले लेखेका छन् । विनोद पौडेल र प्याट्रिक सुवेदी लगानी रहेको चलचित्रका कार्यकारी निर्माता रमेश चौलागाईं, हरि श्रेष्ठ र रमेश ढकाल रहेका छन् ।
चलचित्रमा प्रशान्त सिवाकोटीको संगीत, हेमन्त कान्छा रसाइलीको सारङ्गी, प्रशान्त सिवाकोटी, मेलिना राई र पुष्पन प्रधानको स्वर रहेको छ ।यो चलचित्रलाई नेपाल र अन्तर्राष्ट्रिय रूपमा सेभेन सिज इन्टरटेनमेन्टले वितरण गर्दै छ ।
Discussion about this post