विशेष अनलाइन । दिवाकर भट्टराई निर्देशित चलचित्र ‘मायावी’ले प्रदर्शन मिति तय गरेको छ । तिहारको अवसर पारेर ‘मायावी’ कात्तिक १५ गते बाट प्रदर्शन हुने निर्देशक भट्टराईले जानकारी दिए ।
चलचित्रको मुख्य भूमिकामा पल शाह र दीपिका प्रसाईं रहेका छन् ।लभस्टोरी चलचित्रमा आफूलाई प्रमाणित गरिसकेका भट्टराई ‘मायावी’ लाई आफ्नो ‘ड्रिम प्रोजेक्ट’ मानेका छन् ।
पल र दीपिका सँगै चलचित्रमा सुशील सिटौला, समिम खान, करिष्मा श्रेष्ठ, प्रशान्त ताम्राकार, लक्ष्मी गिरी, रवि डंगोल, राजाराम पौडेल, अंशु महर्जन, रमा प्रसाईं लगायतका कलाकारहरुको अभिनय रहेको छ । समिमले यही चलचित्रबाट डेब्यु गर्दैछन् ।
निर्देशक भट्टराई स्वयंको लेखन रहेको चलचित्रको कथा पोखराको परिवेशमा तयार पारिएको छ ।चलचित्रका निर्माता राज कटुवाल,चन्द्र पन्त र ध्रुव प्रसाद न्यौपाने हुन् । प्रविन भट्टराई र करण सिंह कार्यकारी निर्माता रहेको चलचित्रमा सह–निर्मातामा राजु पराजुली, रमा प्रसाईं र सुमित ओली छन् । क्रिएटिभ सिने आट्र्सको प्रस्तुतिमा निर्माण भएको चलचित्र ‘मायावी’मा राजु थापाको डीओपी, एसडी योगीको संगीत, राम अविरलको गीत रचना रहेको छ ।
Discussion about this post