विशेष अनलाइन । लक्ष्मण सुवेदी निर्देशित चलचित्र ‘सतीदेवी’को गीत सार्वजनिक भएको छ । आगामी भदौ ७ गतेबाट प्रदर्शनमा आउन लागेको चलचित्र को गित ‘माया बसेको रैछ’ बोलको गीत बिहीबार सार्वजनिक भएको हो ।
चलचित्रको गीतमा चलचित्रकी मुख्य अभिनेत्री मलिका महत र नव-अभिनेता सन्दीप बाबु लोहानी बीचको माय प्रेमलाई देखाइएको छ । गीतमा लक्ष्मण सुवेदीको शब्द रचना, दीपक शर्माको संगीत तथा प्रताप दास र दीपा लामाको गायन रहेको छ ।
अंश र वंश धान्न छोरा चाहिन्छ भन्ने पितृसत्तात्मक सोचलाई गम्भीर प्रश्न गर्दै छोरीले आफ्नो कर्तव्य निभाउन सक्छन् भन्ने विषय यस चलचित्रले उठाएको छ । चलचित्रको कथा निर्देशक सुवेदीको रहेको छ ।
चलचित्रमा मलिका र सन्दीप सहित रमेश बुढाथोकी, भोलाराज सापकोटा, कुलदीप अधिकारी, सृजना अधिकारी, मनिषा सापकोटा, सुजिता सिवाकोटी लगायत कलाकारहरुको अभिनय रहेको छ । बाबु श्रेष्ठको छायांकन तथा तारा थापा (किम्भे)को सम्पादन रहेको छ ।
Discussion about this post