चलचित्र ‘देववाणी’ ले पोस्टर सार्वजनिक गर्दै तय गर्यो प्रदर्शन मिति

विशेष अनलाइन । बाबु साहेब बलामी निर्देशित चलचित्र ‘देववाणी’ को प्रदर्शन मिति तय भएको छ । निर्माण टिमले बिहीबार चलचित्रको एक पोस्टर सार्वजनिक गर्दै आगामी मङ्सिर ७ गते प्रदर्शन गर्ने निर्माण टिमले जानकारी दिएको छ ।

चलचित्रको पोस्टरमा कुन्दन भारद्वाज र नायिका अनुजा लेप्चालाइ फिचर्ड गरिएको छ । उनीहरूलाई रोमान्टिक भावमा देखाइएको छ । चलचित्रमा कुन्दन भारद्वाज, अनुजा लेप्चा, सुनिल थापा, ध्रुव कोइराला, नन्दु श्रीवास्तव, अमिता श्राप, मौसम पौडेल, देव सिंह, प्रदीप ढकाल, सरिता भण्डारी, लक्ष्मीनाथ तिमल्सिना, काजोल राघवाणी र मौसम पौडेल लगायत कलाकारहरुको अभिनय रहेको छ ।

मौसम फिल्मस् प्रोडक्सन हाउस र अनुजा इन्टरटेनमेन्टको ब्यानरमा चलचित्र ‘देववाणी’ निर्माण भएको हो । चलचित्रको छायाङ्कन सिमरा, वीरगन्ज, इटहरी र काठमाडौँ लगायतको ठाउहरुमा भएको हो । चलचित्रमा निराजन मेहता मन्जिलको पटकथा तथा संवाद र हरिबहादुर घलेको छायाङ्कन रहेको छ । श्री श्रेष्ठ र देव महर्जनले द्वन्द्व, रामजी लामिछाने र तेन्जु योञ्जनले कोरियोग्राफी, मनोहर सुनाम र सन्तोष प्रगाढले सङ्गीत, बन्दे प्रसादले सम्पादन गरेका छन् ।