विशष अनलाइन । सुदर्शन थापा निर्देशित चलचित्र ‘रावायण’ले फस्टलुक पोस्टर सार्वजनिक गरेको छ ।सार्वजनिक पोस्टरमा पल शाहलाई फिचर्ड गरिएको छ । पोस्टरमा शाह दाह्री र क्रोधित अवतारमा देखिएका छन् ।
भदौ २१ गतेदेखि प्रदर्शन तयारीमा रहेको चलचित्रमा पूजा शर्मा, प्रियंका कार्की, प्रमोद अग्रहरी, निकिता चाण्डक, प्रकाश शाह लगायत कलाकार्हरुको अभिनय रहेको छ ।
चलचित्र ‘रावायण’ सुदर्शन थापा प्रोडक्सन र पूजा शर्मा प्रोडक्सनले संयुक्त रुपमा निर्माण गरिएको हो । अभिनेत्री पूजा शर्मा यस चलचित्रको निर्मात्री समेत रहेकी छिन् । चलचित्रमा सुसन पाठक कार्यकारी निर्माता रहेका छन् ।
शिवम् अधिकारीको कथा रहेको चलचित्रमा प्रदीप श्रीवास्तवको पटकथा, सौरभ लामाको छायांकन रहेको छ । मिलन श्रेष्ठले सम्पादन गरेको चलचित्रमा नीरज सिंह, रेवन आरती सिंहको संगीत नकासा अजिज, कुनाल गान्जावाला, सोनु कक्करको स्वर, कृष्णहरि बराल र प्रदीप श्रीवास्तवको शब्द रहेको छ । चलचित्रमा विक्रम स्वाँर र रामजी लामिछानेको नृत्य, श्री श्रेष्ठको एक्सन, समीर मियाँको भीएफएक्स, राजेन्द्र मोक्तानको कलर र विजय बस्यालको पोस्टर डिजाइन रहेको छ ।
Discussion about this post