विशेष अनलाइन । अभिनेत्री रेखा थापा पहिलोपटक नाटकमार्फत् रंगमञ्चमा देखिँदैछिन्। उनी अभिनय गर्ने नाटक ‘मिरा’ आज सोमबारदेखि राजधानीको गैरिधारस्थित कान्तिपुर थियटरमा मञ्चन हुन लागेको हो।
नाटक थियटर निर्देशक सुन्दर धितालको परिकल्पनामा तयार गरिएको हो। ‘मिरा’ नाटक असार ७ गतेसम्म हरेक साँझ ५:३० बजे मञ्चन हुनेछ, भने बुधबार भने विश्राम हुनेछ।
सुरुमा नाटक जेठ १५ गते बिहीबारबाट मञ्चन गर्ने तयारी थियो। तर, त्यसैदिन काठमाडौंमा नेकपा एमाले र राजावादी पक्षले आयोजना गरेको प्रदर्शनका कारण मञ्चन अगाडि सारिएको थियो।
रेखा थापासँगै विशाल पहाडी, बिन्दा खतिवडा, विशाल देवकोटा, गीता विष्ट, डोरेश खतिवडा, उन्नत उप्रेती र सुनिल खड्का पनि नाटकमा देखिने छन्।
कान्तिपुर थियटरको पहिलो प्रस्तुति मानिएको यो नाटक लेखक दीपक सिञ्जालीको चर्चित उपन्यास ‘मिरा’ मा आधारित रहेको छ।
Discussion about this post